ایشیائے کوچک  کی تباہی اور ترکی اور یونان کے درمیان آبادی کا لازمی تبادلہ – جیسا کہ 1923 میں لوزان کنونشن کے ذریعے بیان کیا گیا تھا – یونانی ریاست میں آبادی کی بڑی آمد کا باعث بنی۔ ایشیائے کوچک کے دس لاکھ سے زیادہ یونانیوں کو یونان میں آباد ہونے پر مجبور کیا گیا، جس سے دو سالوں میں ملک کی آبادی میں 25 فیصد اضافہ ہوا، جس سے رہائشی بحران پیدا ہوا۔ یونان بھر کے ان علاقوں میں سے، جو مہاجرین کی آباد کاری کے لیے تیار کیے گئے تھے، اتیکا کے مغرب میں موجودہ نیکیا بھی تھا۔ اس وقت کے پناہ گزینوں کی آباد کاری تک اس علاقے میں بہت کم باشندے تھے۔   
وسیع خالی زمین کو دیکھتے ہوئے،  نجی اور سرکاری اراضی کے قبضے سے علاقہ پناہ گزینوں کی رہائش کے لیے پیش کیا گیا ۔ ابتدائی طور پر، دو اہم ادارے تھے جنہوں نے پناہ گزینوں کی آباد کاری اور علاقے کی شہری ترقی کو تشکیل دیا۔ پہلا 1922 اور 1925 کے درمیان “پناہ گزین ریلیف فنڈ” تھا، اور بعد میں ایک بین الاقوامی خودمختار ادارہ “پناہ گزین بحالی کمیٹی” کا مزید قیام، جو 1923 اور 1930 کے درمیان کام کرتی رہی۔   
زیادہ ترایشیائے کوچک پناہ گزینوں کی بستیوں کی طرح، نیکیا نے مختلف طریقہ کار کے ذریعے بہت تیزی سے ترقی کی، جس سے کم سے کم ہاؤسنگ ٹائپولوجیز کی ایک بڑی تعداد پیدا ہوئی۔ دو منزلہ کثیر خاندانی رہائش گاہوں سے لے کر، واحد منزلہ اونچی عمارتیں جن کا رقبہ 35 مربع میٹر سے زیادہ نہیں تھا، جرمنی سے بھیجی گئی پہلے سے تیار شدہ جھونپڑیاں، کراس سیڑھیوں والی دو منزلہ اپارٹمنٹ والی عمارتوں سے خود تیار کردہ رہائشی ڈھانچے تک، ریاست کی طرف سے دیے گئے یا خریدے گئے پلاٹ پر بنائیں گئیں ۔ نیکیا کے تاریخی مرکز کے ایک بڑے حصے میں (ایئوس نیکولائوس، ایئوس جیورجیوس اور اوسیاس کسےنیس کےعلاقے)،اندرونی عوامی جگہوں کے لیے شہری منصوبہ بندی کے مطابق  عمارت کے بلاکس کے اندر ایٹریمز/آنگن بھی تھے۔ 

پچھلی صدی میں، نیکیا میں سماجی و اقتصادی، ثقافتی اور مقامی  لحاظ سے تبدیلیاں آئی ہیں۔ پہلے ایشیائے کوچک کے پناہ گزینوں کے علاوہ، اس نے نئے تارکین وطن کو بھی رہائش دی۔ 1970 کی دہائی میں، یونان کے دیہی علاقوں کے باشندے نیکیا میں آباد ہوئے، جب کہ مشرقی یورپ میں کمیونزم کے زوال کے بعد، 1990 کی دہائی کے اوائل میں، ہمارے یہاں البانیہ اور رومانیہ جیسے سابق سوشلسٹ ممالک سے آنے والے معاشی تارکین وطن کی آباد کاری ہوئی۔ 2000 کے بعد سے، نیکیا ایشیائی ممالک سے آنے والے تارکین وطن کی رہائش گاہ بن گیا ہے  جیسا کے پاکستان۔  
مندرجہ بالا ایک متنوع /مختلف قسم کے  شہری منظر نامے کی طرف لے جاتا ہے، جو مقامی آبادی میں پائی جانے والی سماجی و اقتصادی عدم مساوات کی عکاسی کرتا ہے۔  اس مقام پر، “بقائے باہمی کے مقامات” ریسرچ پروجیکٹ مشترکہ جگہوں کے ارد گرد سماجی زندگی سے متعلق مسائل کی تحقیقات کے لیے آتا ہے، تاکہ خطے میں مختلف گروپوں کے درمیان باہمی عمل کو بڑھانے کے مقصد کے ساتھ، علاقے کے باشندوں کے درمیان مشترکہ نقطہ نظر کو فروغ دینے کے لیے ان خالی جگہوں کی صلاحیت کا جائزہ لیا جا سکے۔